Stories From The Heart: Ang paghaharap nina Joyce at Victoria sa 'Never Say Goodbye' | Week 4
Around GMA
Around GMA
Signal No. 1 hoisted in 21 areas as Wilma nears Eastern Visayas #WilmaPH maintains strength, moves slowly toward E. Visayas 'A Christmas Carol' brings the holiday spirit to the Philippine stageArticle Inside Page
Showbiz News
Sa ikaapat na linggo ng 'Never Say Goodbye,' nagkaharap na sina Joyce (Klea Pineda) at ang asawa ni Bruce (Jak Roberto) na si Victoria (Lauren Young).
Sa ikaapat na linggo ng Stories From The Heart: Never Say Goodbye, hindi napiligilan na maging emosyonal ni Bruce (Jak Roberto) matapos niyang samahan si Joyce (Klea Pineda) na tumingin ng mga kabaong na gagamitin ng huli kung sakaling bawian ito ng buhay.
Habang nasa bakasyon si Victoria (Lauren Young) kasama si Lily (Kim Rodriguez), nararamdaman ng una na nag-iiba na ang pakikitungo ng kanyang asawa. Sinubukan naman ni Jackilyn (Max Eigenmann) na balaan si Bruce dahil nakakaramdam ang una na pinagtataguan ng huli ang kanyang asawa para makasama si Joyce.
Nang malaman ni Jackilyn ang katotohanan tungkol sa nililihim ni Bruce, hindi naman niya ito sinabi agad sa kanyang kapatid dahil alam niyang napasasaya ng huli si Joyce.
Nagpaalam naman si Victoria kay Bruce na aalis muna ito ngunit lingid sa kaalaman ng huli na sinundan siya ng kanyang asawa. Nang malaman ng una ang katotohanan, hindi naman ito makapaniwala na magagawa siyang lokohin ng kanyang minamahal.
Sa paghaharap ni Victoria at Joyce, hindi napigilang magalit ng una sa ex-girlfriend ng kanyang asawa dahil hinayaan nitong bumalik si Bruce sa buhay niya kahit alam niyang kasal na ito. Nalaman din ni Victoria ang tunay na kalagayan ni Joyce matapos matanggal ang wig ng huli.
Sa gitna ng pag-uusap nina Bruce at Victoria, biglang tumawag si Nay Susan (Snooky Serna) dahil kailangan itakbo si Joyce sa ospital. Hindi naman mapigilang maging emosyonal ni Victoria matapos umalis ni Bruce para kay Joyce dahil pakiramdam nito na pinagkaitan siya ng karapatang makasama ang kanyang asawa.
Isang masamang balita naman ang hatid ni Dra. Darla Delos Reyes (Shermaine Santiago) kay Joyce dahil lumalala na ang kondisyon ng huli at mayroong 22 percent chance na survival rate.
Abangan ang susunod na mga kaganapan sa Stories From The Heart: Never Say Goodbye tuwing Lunes hanggang Biyernes, 3:25 p.m. sa GMA Afternoon Prime.
Balikan ang mga eksena noong nakaraang linggo sa Stories From the Heart: Never Say Goodbye rito:
Never Say Goodbye: Joyce goes coffin shopping | Stories From The Heart (Episode 16)
Never Say Goodbye: Rebelasyong natuklasan ni Victoria | Stories From The Heart (Episode 17)
Never Say Goodbye: Pagsabog ng galit ni Victoria | Stories From The Heart (Episode 18)
Never Say Goodbye: Mamili ka Bruce! | Stories From The Heart (Episode 19)
Never Say Goodbye: Pinakasalan pero 'di minahal | Stories From The Heart (Episode 20)
Samantala, muling silipin ang lock-in taping ng Team Never Say Goodbye sa gallery na ito:
